"Манчестер Юнайтед" бош мураббийи Эрик тен Хаг ўз жамоасини қийин шароитларда ишончли ўйнагани учун мақтади.
Ўтган ҳафта “қизил иблислар” “Энфилд”да “Ливерпуль” билан дуранг ўйнади (0:0).
"Ливерпуль" биз билан учрашув олдидан лига пешқадами эди, аммо биз ўша баҳсда муносиб ўйин кўрсатдик. Мавсум бошида “Aрсенал”га қарши ҳам рақобатбардош эдик. Барча ўйинчиларимиз тайёр бўлганда биз ҳаммани мағлуб эта оламиз.
Aфсуски, биз асосий позициялардаги жароҳатлардан жиддий зарар кўрмоқдамиз. Энди биз ҳимоя марказида муаммоларга дуч келяпмиз, авваллари чап қанот ва ўнг қанотда ҳужум қилишда қийинчиликларга дуч келардик.
Биз Каземиронинг йўқлиги ҳақида унутмаслигимиз керак, у жуда муҳим", деди Тен Хаг "Вест Хем" билан ўйин олдидан матбуот анжуманида.
