Тажрибали дарвозабон Кейлор Навас "ПСЖ"даги келажаги борасида бир қарорга келди. "L'Equipe" журналистларига маълум бўлишича, 37 ёшли дарвозабон ўйин амалиёти кам бўлишига қарамай, француз гранди сафида қолади.
Навас Париж клуби билан шартномасини тўлиқ ишлаб чиқишга қарор қилди. Томонлар ўртасидаги меҳнат шартномаси келаси ёзда тугайди. Кейин Кейлор жамоани ўзгартиришни режалаштирмоқда. Навас парижликлар жамоасида 2019 йилнинг сентябридан буён ўйнаб келмоқда.
Ўтган мавсумда дарвозабон "Ноттингем Форест"да ижара асосида ўйнади. Дарвозабон Англия чемпионатининг 17 та учрашувида қатнашиб, ўз дарвозасидан 32 та гол ўтказиб юборган.
