Tajribali darvozabon Keylor Navas "PSJ"dagi kelajagi borasida bir qarorga keldi. "L'Equipe" jurnalistlariga ma’lum bo‘lishicha, 37 yoshli darvozabon o‘yin amaliyoti kam bo‘lishiga qaramay, fransuz grandi safida qoladi.

Navas Parij klubi bilan shartnomasini to‘liq ishlab chiqishga qaror qildi. Tomonlar o‘rtasidagi mehnat shartnomasi kelasi yozda tugaydi. Keyin Keylor jamoani o‘zgartirishni rejalashtirmoqda. Navas parijliklar jamoasida 2019 yilning sentyabridan buyon o‘ynab kelmoqda.

O‘tgan mavsumda darvozabon "Nottingem Forest"da ijara asosida o‘ynadi. Darvozabon Angliya chempionatining 17 ta uchrashuvida qatnashib, o‘z darvozasidan 32 ta gol o‘tkazib yuborgan.