"Херкулес" ҳаваскор клубининг Нидерландия кубоги баҳсида Амстердамнинг "Аякс" устидан қозонган шов-шувли ғалабаси (3:2) нафақат Утрехтлик камтарин жамоанинг бир нечта мухлисларини, балки шов-шувли жамоа футболчиларидан бирининг дўстлари гуруҳини ҳам хурсанд қилди.

"Херкулес" ярим ҳимоячиси Тим Петерснинг 12 хонадошларидан иборат гуруҳ жуда хавфли комбинация вариантига - 751,00 коэффициенти билан 15 еврони "Херкулес"нинг ғалабасига ва Петерс гол уришига тикди. Ўйин якунига кўра, ҳаваскорлар жамоа сўнгги сонияларда пойтахт гигантлари дарвозасига ҳал қилувчи голни уришди ва Питерс ҳаттоки "Аякс" дарвозасига иккита гол уриб, режани ортиғи билан бажарди.

Шу тариқа Тимнинг у билан бир ётоқхонада яшовчи дўстларининг ютуғи 11 265 еврони ташкил қилди. Қизиғи шундаки, "Херкулес" ва "Аякс" ўртасидаги ўйинда шов-шувли натижага пул тикишган ўнлаб одамларнинг ярми ҳозир оғир кунларни бошидан кечираётган Амстердам клуби мухлислари.