Миланнинг "Интер" клуби "Брюгге" ўнг қанот ҳимоячиси билан янги шартнома шартлари бўйича келишувга эришди. Журналист Николо Скира берган хабарга кўра, Канада терма жамоаси футболчиси 2028 йилнинг ёзига қадар шартнома имзолашга рози бўлган.
Эслатиб ўтамиз, Бьюкенен ўнг қанот ҳимоячиси позициясини мустаҳкамлашда "Интер" учун устувор номзод ҳисобланади. Ҳозирча муаммо "Брюгге" талаб қилаётган товон миқдорида. Бельгия клуби футболчи учун тахминан 20 миллион евро олмоқчи, бироқ "Интер" чегирма олишга умид қилмоқда.
Аввалроқ "Интер" жиддий жароҳат олган ўнг қанот ҳимоячиси Хуан Куадрадони бир неча ойга йoқотган эди.
