"Бунёдкор" матбуот хизмати ҳимоячи Авазбек Ўлмасалиевнинг Москванинг ЦСКА клубига ўтиши мумкинлиги борасида фикр билдирди.
"Биз ЦСКАнинг ҳимоячига қизиқиши ҳақида ҳеч нарса билмаймиз. Айни пайтда вазият шундайки, Ўлмасалиевнинг "Бунёдкор" билан шартномаси якунига етди. У эркин агент", - деди "Бунёдкор" вакилларидан бири "Спорт-Экспресс" билан суҳбатда.
Эслатиб ўтамиз, жорий мавсумда 23 ёшли футболчи тошкентликлар сафида 28 та ўйинда майдонга тушиб, битта гол ва битта голли узатмага муаллифлик қилган. Transfermarkt портали экспертлари унинг қийматини 400 минг еврога баҳоламоқда.
