"Челси" бош мураббийи Маурисио Почеттино Михаил Мудрик ҳақида фикр билдирди. Сўнгги ўйинда украиналик футболчи Лига кубоги чорак финалида “Ньюкасл” дарвозасига гол урди ва сўнгги дақиқаларда ҳисобни тенглаштирганди.
Шундан сўнг Мудрик “Челси”га пенальтилар сериясида ғалаба қозонишга ёрдам берди.
“У яхшиланиши кераклигини билади. Михаил ҳали ёш, лекин у яхшиланади, чунки у бунинг учун зарур бўлган фазилатларга эга.
Бу яхши ривожланаётган футболчи, бундан биз жуда мамнунмиз. Вақт ўтиши билан Мудрик "Челси" учун жуда муҳим футболчига айланади.
Aлбатта, у ҳозир ҳам муҳим, келажакда Михаилнинг аҳамияти ошади, чунки у улкан салоҳиятга эга”, - деди Почеттино “Челси” расмий сайтига берган интервьюсида.
