"Манчестер Юнайтед"нинг собиқ ярим ҳимоячиси Пол Скоулз собиқ жамоасидаги ҳужумдаги муаммолар ҳақида гапирди.
Эслатиб ўтамиз, барча турнирлардаги сўнгги тўртта ўйинда Эрик тен Хаг шогирдлари бирорта ҳам гол ура олмаган.
Кеча "манкунианликлар" Лондоннинг “Вест Хэм” клубига меҳмонда 0:2 ҳисобида имкониятни бой беришди.
“Мураббий учун энг қийин нарса бу жамоани гол уришга ўргатиш. Сиз ўйинчиларнинг бошига кириб ололмайсиз, пас ёки дарвоза томон зарба бера олмайсиз.
Ҳаммаси ўйинчиларнинг ўзига боғлиқ, уларда ҳозирда кўп гол уриш учун сифат етишмаяпти", - дея Скоулзнинг сўзларини келтиради Center Deveils.
"Манчестер Юнайтед" ҳозирда AПЛ турнир жадвалида 8-ўринда бормоқда.
