Саудия Арабистони вакиллари Европа Суперлигасига пул тикмоқчи эмас. Бу ҳақда Telegraph хабар бермоқда. Манбанинг қайд этишича, саудияликлар мусобақа 2021 йилда бошланганидан бери унинг ривожланишидан манфаатдор бўлишига қарамай, уни молиялаштиришдан бош тортиши мумкин.
Эслатиб ўтамиз, аввалроқ Суперлига бош директори Бернд Райхарт Саудия Арабистони клублари мусобақада қатнаша олмаслигини турнир фақат Европа жамоалари учун мўлжалланганлигини айтганди. Уч гуруҳга бўлинган Суперлигада 64 та клуб иштирок этади. Унинг ишга туширилиши 2025 йилга мўлжалланган.