"Барселона" спорт директори Деку клубнинг трансфер бозоридаги потенциал мақсадларини аниқлади.
"Блауграна" 2024 йилда ярим ҳимояни ўзларининг молиявий имкониятларидан келиб чиқиб максимал даражада кучайтиришни истамоқда. Onze хабар беришича, Деку тузган номзодлар рўйхатига Тьяго Алькантара ("Ливерпуль"), Гвидо Родригес («Бетис»), Адриен Рабьо («Ювентус») ва Жоржиньо («Арсенал») киритилган. Тўрт нафари ҳам мавсум охирида эркин агентга айланиши мумкин - уларнинг амалдаги шартномалари якунига етмоқда.
Аввалроқ, бош мураббий Хави Эрнандес январь ойида жамоага янги ярим ҳимоячини кўришни хоҳлаётгани ҳақида хабар берилганди.