"Barselona" sport direktori Deku klubning transfer bozoridagi potensial maqsadlarini aniqladi.
"Blaugrana" 2024 yilda yarim himoyani o‘zlarining moliyaviy imkoniyatlaridan kelib chiqib maksimal darajada kuchaytirishni istamoqda. Onze xabar berishicha, Deku tuzgan nomzodlar ro‘yxatiga Tyago Alkantara ("Liverpul"), Gvido Rodriges («Betis»), Adriyen Rabyo («Yuventus») va Jorjinyo («Arsenal») kiritilgan. To‘rt nafari ham mavsum oxirida erkin agentga aylanishi mumkin - ularning amaldagi shartnomalari yakuniga yetmoqda.
Avvalroq, bosh murabbiy Xavi Ernandes yanvar oyida jamoaga yangi yarim himoyachini ko‘rishni xohlayotgani haqida xabar berilgandi.