"Фиорентина" "Ювентус"дан ижара асосида ҳаракат қилаётган ярим ҳимоячи Артур Мело Туринга қайтишни истамаяпти.
"Бинафшаранглилар" 27 ёшли футболчини жорий мавсум охиригача 20 миллион еврога сотиб олиш имконияти билан ижарага олди. Инсайдер Николо Скиранинг сўзларига кўра, "Фиорентина" бразилияликнинг ўйинидан жуда мамнун ва ярим ҳимоячининг ўзи Флоренцияда қолишга умид қилмоқда. "Ювентус" яқин ойларда сотиб олиш имконияти фаоллашишини кутмоқда.
Артур Мело "Фиорентина" сафида барча мусобақаларда 24 та ўйин ўтказиб, иккита голга ассистентлик қилган. Футболчининг "Ювентус" билан шартномаси 2026 йилгача мўлжалланган ва унинг трансфер қиймати, Transfermarkt маълумотларига кўра, 15 миллион еврони ташкил қилади.