"Fiorentina" "Yuventus"dan ijara asosida harakat qilayotgan yarim himoyachi Artur Melo Turinga qaytishni istamayapti.
"Binafsharanglilar" 27 yoshli futbolchini joriy mavsum oxirigacha 20 million yevroga sotib olish imkoniyati bilan ijaraga oldi. Insayder Nikolo Skiraning so‘zlariga ko‘ra, "Fiorentina" braziliyalikning o‘yinidan juda mamnun va yarim himoyachining o‘zi Florensiyada qolishga umid qilmoqda. "Yuventus" yaqin oylarda sotib olish imkoniyati faollashishini kutmoqda.
Artur Melo "Fiorentina" safida barcha musobaqalarda 24 ta o‘yin o‘tkazib, ikkita golga assistentlik qilgan. Futbolchining "Yuventus" bilan shartnomasi 2026 yilgacha mo‘ljallangan va uning transfer qiymati, Transfermarkt ma’lumotlariga ko‘ra, 15 million yevroni tashkil qiladi.
