"Манчестер Сити" "Ривер Плейт"дан Клаудио Эчеверри учун товон пули тўлашга тайёр.
Аввалроқ 17 ёшли ярим ҳимоячига "Барселона", "Манчестер Сити", "Челси" ва "ПСЖ" клублари қизиқиш билдираётгани ҳақида хабар берилганди.
Журналист Жанлуиджи Лонгари хабарига кўра, "Манчестер Сити" Эчеверри учун 25 миллион евро товон тўлашга тайёр. 17 ёшли ярим ҳимоячини ўзининг асосий мақсадларидан бири деб биладиган "Барселона" унинг трансфери учун пул тўлашга тайёр эмас ва ярим ҳимоячини 2024 йилда эркин агент сифатида сотиб олишни истамоқда.
Ўтган мавсумда Эчеверри Аргентина чемпионатида бешта ўйинда майдонга тушиб, битта голли узатмани амалга оширган. Футболчи 17 ёшгача бўлган ўсмирлар ўртасидаги жаҳон чемпионатида ҳам терма жамоа сафида иштирок этган.