Инсайдер Фабрицио Романо чап қанот ҳимоячиси Альфонсо Дэвиснинг "Реал"га ўтиши ҳақидаги янгиланган маълумот билан ўртоқлашди.
Канадалик футболчининг "Бавария" билан шартномаси 2025 йилда тугайди ва футболчи уни янгилашга шошилмаяпти. "Реал Мадрид" узоқ вақтдан бери вазиятни кузатиб келмоқда, чунки 23 ёшли футболчини келажакдаги асосий трансфер мақсадларидан бири деб ҳисоблайди.
Романонинг сўзларига кўра, Дэвиснинг “Бавария”даги аҳволи ҳамон жуда оғир – томонлар келишувдан йироқ. "Реал" тез орада юқори даражадаги шартнома бўйича иш бошлаш ниятида. Ҳаммаси латералнинг Мадридга ўтиши 2024 йилда жаҳон футболида энг кўп муҳокама қилинадиган мавзулардан бирига айланишига қараб кетмоқда.