Мадриднинг “Реал” клуби “Ан-Наср” ҳимоячиси Эмерик Лапортга қизиқиш билдирмоқда, бироқ футболчининг ўзи жамоани тарк этишни истамаяпти, деб ёзади "Marca".
Манбанинг ёзишича, футболчи жамоада ҳар томонлама бахтли. "Ан-Наср" ҳам уни сотмоқчи эмас. Лапортнинг шартномаси 2026 йилгача мўлжалланган, у йилига 15 миллион евро маош олади. Мадрид клуби унга бунчалик катта маош беришга тайёр эмас.
"Реал Мадрид" мавсум охиригача ижарага олиш вариантини кўриб чиқди, аммо бу вариант ҳам амалга ошмайди. Лапорт Испания терма жамоасига чақирилган, бош мураббий Луис де ла Фуэнте унга ишонади.