Санкт-Петербургнинг "Зенит" клуби собиқ ҳужумчиси Саломон Рондон Аргентинанинг "Ривер Плейт" клуби билан ҳамкорликни тўхтатишга яқин турибди, деб хабар бермоқда "AS" журналистлари.
Манбага кўра, томонлар ўзаро келишув асосида меҳнат шартномасини бекор қилишга қарор қилишган. Рондоннинг кетишига оилавий муаммолар ва Аргентинага ёмон мослашгани сабаб бўлган.
Ҳужумчида фаолиятини давом эттириш учун аллақачон бир нечта вариант бор. Рондон хизматларига АҚШ, Мексика, Туркия ва Бразилия клублари қизиқиш билдирмоқда.
Жорий мавсумда Саломон 34 та ўйин ўтказиб, ўнта гол урди.
