Лиссабоннинг “Спортинг” клуби бош мураббийи Рубен Aморим қишки трансферлар вақтида жамоанинг етакчи ҳужумчиси Виктор Дьекерешнинг кетишидан хавотирда.

Швециялик тўпурарнинг товон пули 100 миллион евро, бу ҳақда инсайдер Грач Хачатрян ижтимоий тармоқларда маълум қилди.

Aввалроқ матбуотда Гьекерешда фаолиятини Aнглия премьер-лигасининг топ-клубида давом эттириш имконияти борлиги хабар қилинганди.

Футболчига Лондоннинг "Челси" клуби қизиқиш билдирмоқда. Жорий мавсумда ҳужумчи 20 та ўйин ўтказиб, 17 та гол ва 8 та голли узатмани амалга оширган.

Унинг "Спортинг" билан шартномаси 2028 йилнинг ўрталарига қадар тузилган.