"Астон Вилла" эътиборини Чемпионшипнинг энг яхши ўйинчиларидан бири бўлган "Лидс" вингери Крисенсио Саммервилга қаратди. Журналист Фабрицио Романо берган маълумотларга кўра, Унаи Эмери жамоаси футболчини қишки трансфер ойнасида қўлга киритишга ҳаракат қилади, аммо "Лидс" мавсум ўртасида асосий футболчи билан хайрлашишни истамаяпти.
Эслатиб ўтамиз, ёзда “Бёрнли” Саммервил учун 25 миллион евро таклиф қилган, бироқ “Лидс” сотишдан бош тортганди.
Жорий мавсумда Саммервил чемпионшипнинг 20 та учрашувида 11 та гол урди ва 6 та голли узатмани амалга оширди.
