"Реал Мадрид" "Жирона"да ўйнаётган собиқ чап қанот ҳимоячиси Мигель Гутиерреснинг ҳаракатларини фаол кузатиб бормоқда. Marca хабарига кўра, "Қироллик клуби" тез орада 22 ёшли ҳимоячини сотиб олиши мумкин.
“Реал” Гутиересни 8 миллион еврога сотиб олиш ҳуқуқига биринчи бўлиб эга. Қироллик клуби янги чап қанот ҳимоячиси қидирмоқда, чунки раҳбарият ёзда Ферлан Мендини сотишни режалаштирмоқда.
Бироқ, “Бавария”дан Альфонсо Дэвис ҳамон устувор номзод сифатида кўрилади. Гутиеррес Ла Лиганинг ушбу мавсумида битта гол урди ва битта голли узатмани амалга оширди.