Каталониянинг "Барселона" клуби ўзининг чап қанот ҳимоячиси Маркос Алонсони ёзда эркин агент сифатида жамоани тарк этиши ҳақида расман маълум қилишга тайёр.

Sport.es хабарига кўра, "кўк-анорранглилар" раҳбарияти тажрибали испаниялик билан шартномани узайтирмоқчи эмас. Эслатиб ўтамиз, Алонсонинг ўзи ҳам “Барселона”даги ҳолатидан норози, чунки у етарлича ўйин амалиётига эга эмас.

Футболчи фаолиятини давом эттириш учун аллақачон бошқа вариантларни кўриб чиқмоқда. Олдинроқ Маркос Англия премьер-лигасига қайтиши мумкинлиги ҳақида хабарлар тарқалган эди.