Ярим ҳимоячи Генрих Мхитарян яқин вақт ичида “Интер” билан янги шартнома имзолайди.
Бу ҳақда нуфузли инсайдер Фабрицио Романо ижтимоий тармоқларда ёзди. Унинг қайд этишича, Мхитарян ва клуб ўртасида оғзаки келишувга бир неча ҳафта олдин эришилган ва ҳамма нарса имзоланишга тайёр.
Генрих Мхитаряннинг "нерадзуррилар" билан янги шартномаси 2025 йил ўрталаригача амал қилади. Умуман олганда, Мхитарян “Интер” сафида 72 та ўйин ўтказиб, 7 та гол ва 7 та голли узатмани амалга оширган. Aйни дамда “Интер” A Серия турнир жадвалида пешқадамлик қилмоқда.
