"Реал Мадрид" ўз таркибини кучайтиришни режалаштирмоқда. Клубнинг 2024 йилдаги мақсадларидан бири юқори савияли чап қанот ҳимоячиси билан шартнома имзолаш.
Журналист Экрем Конурнинг ижтимоий тармоқларда ёзишича, “Реал” “Бавария”дан Альфонсо Дэвисни сотиб олмоқчи. Агар мадридликлар канадалик юлдузни қўлга кирита олмасалар, яна бир топ ўйинчи - "Милан"дан Тео Эрнандесни таклиф қилиш ҳақида ўйлашмоқда.
"Transfermarkt" 23 ёшли Альфонсо Дэвисни 70 миллион еврога, 26 ёшли Тео Эрнандесни эса 55 миллион еврога баҳолаган.