"Манчестер Сити" Аргентинанинг энг ёрқин ёш иқтидорларидан бирини қўлга киритишга яқин турибди. Журналист Фабрицио Романонинг хабарига кўра, "шаҳарликлар" "Ривер Плейт"нинг 17 ёшли ҳужумчиси Клаудио Эчеверрининг трансферига ишонч билдиришмоқда.
Манбанинг хабар беришича, Эчеверри катта эҳтимол билан январда трансферини якунлайди, аммо "Манчестер Сити" футболчини мавсум охиригача ижара асосида "Ривер Плейт"да қолдиради. Эслатиб ўтамиз, Клаудионинг Аргентина клуби билан шартномасида товон пули 25 миллион евро қилиб белгиланган.
Аввалроқ Эчеверри хизматларига Лондоннинг "Челси"си ва Каталониянинг "Барселона"си каби клублар ҳам қизиқиш билдирганди.