ЦСКА собиқ футболчиси Валерий Масалитин 2023 йилда Ўзбекистоннинг энг яхши футболчиси деб топилган ярим ҳимоячи Аббосбек Файзуллаевнинг ўйинини юқори баҳолади.

“Файзуллаев Ўзбекистоннинг энг яхши футболчиси деган номга лойиқ. Тўғриси, унинг терма жамоада қандай ўйнаганини кузатмадим. Ўзбекистонда шундай деб ўйлаган бўлишса, Аббосбек бу мукофотга лойиқ эди. Бугунги кунда Файзуллаев ЦСКАнинг энг яхши футболчиси ҳисобланади. У жамоа ҳужум қилишда жуда фойдали. Аббосбекдан кейин нима бўлиши номаълум. Агар у калласи бор йигит бўлса, у ривожланишда давом этади", - дея Масалитиннинг сўзларини келтиради РБ Спорт.

Жорий мавсумда 20 ёшли ҳужумкор ярим ҳимоячи ЦСКА сафида 18 та ўйин ўтказиб, 2 та гол урди ва 9 та голли узатмани амалга оширди.