Машҳур Old Trafford стадиони бузиб ташланиши мумкин.
Журналист Жеймс Дукернинг ижтимоий тармоқларда хабар беришича, “Манчестер Юнайтед”нинг янги хўжайини Жим Рэтклифф ва Глейзерлар оиласи эски стадионни бузиб, унинг ўрнига янги замонавий арена қуришни талаб қилмоқда.
Улар янги лойиҳага ҳозирда Олд Траффордни таъмирлаш лойиҳасини назорат қилаётган Популус компаниясини жалб қилмоқчи. Aйтиш жоизки, ижтимоий тармоқлардаги айрим “Манчестер Юнайтед” мухлислари “Олд Траффорд” тарихидан келиб чиқиб, бузилишига аллақачон қарши. Бу мухлислар аренани қайта қуришни эмас, балки янгиланишини хоҳлашади.
