"Манчестер Сити" ярим ҳимоячиси Бернарду Силва португалиялик жамоадоши Жоау Феликснинг вазиятидан жуда мамнун.
Эслатиб ўтамиз, ҳужумчи ёзда "Атлетико Мадрид"дан ижара асосида "Барселона" билан шартнома имзолаган эди.
"Мен ҳозир Феликс учун жуда хурсандман, чунки у ниҳоят ўзининг ўйин услубига мос келадиган жамоада ўйнамоқда. У "Барселона"да ўзини қулай ҳис қилмоқда", - деди Силва Managing Barca билан суҳбатда.
Бернарду Силва узоқ вақт давомида "Барселона"нинг асосий трансфер мақсадларидан бири бўлиб келган. Бироқ каталонияликлар юқори нарх туфайли португалиялик билан ҳалигача шартнома имзолай олишмади.
