"Ал-Иттифоқ" "Ливерпуль" ҳужумчиси Муҳаммад Салоҳни ўз сафига қўшиб олмоқчи эмас.
Саудия Арабистони жамоаси бош мураббийи Стивен Жеррард яқинда қишки трансфер ойнасида таркибни кучайтиришни истаётганини тан олди. Салоҳ Саудия Арабистони чемпионати вакилларининг асосий мақсадларидан бири саналади, бироқ мисрликнинг “Ал-Иттифоқ”га ўтиши даргумон, деб хабар бермоқда CaughtOffside. Жеррарднинг "Ливерпуль" билан алоқалари яхши бўлишига қарамай, инглизнинг ҳозирги клуби мерсисайдлик юлдузга даъвогарлар орасида эмас.
“Ал-Иттифоқ” Саудия Арабистони чемпионати турнир жадвалида 18 турдан кейин пешқадам “Ал-Ҳилол”дан 26 очко ортда қолиб, 9-ўринда бормоқда.
