"Лацио" ҳимоячиси Марио Хила қишки трансфер ойнасида "Реал"га ўтиши мумкин.

"Қироллик клуби" жамоанинг ҳимоядаги футболчилари Эдер Милитао ва Давид Алабанинг жароҳати туфайли орқа чизиқни кучайтириши керак. Мадрид клуби Рим клуби ҳимоячисига бўлган ҳуқуқларнинг ярмига эгалик қилади ва уларда биринчи навбатда футболчини сотиб олиш имконияти ҳам бор.

2022 йилнинг июлида Хила "Реал Мадрид"нинг фарм клуби ҳисобланган "Кастилья"дан "Лацио"га ўтди. 2022 йилда испаниялик футболчи Мадридликлар сафида Ла Лигада 2 та ўйин ўтказди.

Футболчининг римликлар билан шартномаси 2027 йилнинг ёзига қадар мўлжалланган. Transfermarkt портали ҳимоячини 3 миллион еврога баҳоламоқда.