"Челси" вингери Нони Мадуэке Лондон клубида ўйин амалиёти камлиги ҳақида гапирди. Эслатиб ўтамиз, 27 декабрь, чоршанба куни англиялик футболчи АПЛ 19-туридан ўрин олган "Кристал Пэлас" билан ўйинда 71-дақиқада захирадан майдонга тушганди. Ўйин охирида Мадуэке пенальти ишлаб, уни ўзи голга айлантириб жамоасига ғалаба келтирди - 2:1.
"Ҳар қандай футболчи ҳар бир учрашувда майдонга тушишни хоҳлайди. Ҳар бир инсон ўз жамоасининг натижаларига таъсир ўтказишни хоҳлайди.
Махсус ижро техникаси туфайли пенальти тепишда доим ишончли. Мен имкониятдан фойдаланиб, жамоамга ғалаба келтирдим", - деди Мадуэке Amazon Prime билан суҳбатда.
Мадуэке - "Тоттенхэм" тарбияланувчиси. Англиялик вингер ўтган қишда "ПСВ"дан 35 миллион евро эвазига "Челси"га ўтган эди. Бу мавсумда Нони "кўклар" сафида барча турнирларда 10 та тўлиқсиз ўйин ўтказди ва иккита гол урди. Футболчининг Лондон клуби билан шартномаси 2030 йилнинг июнь ойи охиригача амал қилади. Transfermarkt интернет порталига кўра футболчининг тахминий нархи 30 миллион еврони ташкил қилади.