"Chelsi" vingeri Noni Madueke London klubida o‘yin amaliyoti kamligi haqida gapirdi. Eslatib o‘tamiz, 27 dekabr, chorshanba kuni angliyalik futbolchi APL 19-turidan o‘rin olgan "Kristal Pelas" bilan o‘yinda 71-daqiqada zaxiradan maydonga tushgandi. O‘yin oxirida Madueke penalti ishlab, uni o‘zi golga aylantirib jamoasiga g‘alaba keltirdi - 2:1.

"Har qanday futbolchi har bir uchrashuvda maydonga tushishni xohlaydi. Har bir inson o‘z jamoasining natijalariga ta’sir o‘tkazishni xohlaydi.

Maxsus ijro texnikasi tufayli penalti tepishda doim ishonchli. Men imkoniyatdan foydalanib, jamoamga g‘alaba keltirdim", - dedi Madueke Amazon Prime bilan suhbatda.

Madueke - "Tottenxem" tarbiyalanuvchisi. Angliyalik vinger o‘tgan qishda "PSV"dan 35 million yevro evaziga "Chelsi"ga o‘tgan edi. Bu mavsumda Noni "ko‘klar" safida barcha turnirlarda 10 ta to‘liqsiz o‘yin o‘tkazdi va ikkita gol urdi. Futbolchining London klubi bilan shartnomasi 2030 yilning iyun oyi oxirigacha amal qiladi. Transfermarkt internet portaliga ko‘ra futbolchining taxminiy narxi 30 million yevroni tashkil qiladi.