Англия терма жамоаси ва “Манчестер Юнайтед” клубининг собиқ ҳимоячиси Гари Невилл "Арсенал"нинг бразилиялик ҳужумчиси Габриэль Жезус ҳақида гапирди.
"Менга Габриэль ёқади. Жезус ажойиб футболчи, мен у билан ўйнашни хоҳлардим. Бу йигит бироз Тевес ва Рунига ўхшайди. Аммо унга дарвоза олдида қотиллик инстинкти етишмаяпти", - деди Невилл Sky Sports билан суҳбатда.
2023/2024 йилги мавсумда бразилиялик футболчи "канонирлар" сафида 19 та ўйин ўтказиб, 7 та гол ва иккита голли узатмани амалга оширган. Жезуснинг "Арсенал" билан шартномаси 2027 йилнинг июнь ойи охиригача амал қилади. Унинг трансфер нархи 70 миллион евро.
