Angliya terma jamoasi va “Manchester Yunayted” klubining sobiq himoyachisi Gari Nevill "Arsenal"ning braziliyalik hujumchisi Gabriel Jezus haqida gapirdi.
"Menga Gabriel yoqadi. Jezus ajoyib futbolchi, men u bilan o‘ynashni xohlardim. Bu yigit biroz Teves va Runiga o‘xshaydi. Ammo unga darvoza oldida qotillik instinkti yetishmayapti", - dedi Nevill Sky Sports bilan suhbatda.
2023/2024 yilgi mavsumda braziliyalik futbolchi "kanonirlar" safida 19 ta o‘yin o‘tkazib, 7 ta gol va ikkita golli uzatmani amalga oshirgan. Jezusning "Arsenal" bilan shartnomasi 2027 yilning iyun oyi oxirigacha amal qiladi. Uning transfer narxi 70 million yevro.
