Англия гранди, Лукаку билан вариант ва немис конвейери - ўзбек футболчиси учун энг яхшиси.

Ҳамюртимиз Аббосбек Файзуллаев РПЛдаги илк мавсумини ўтказмоқда, бироқ у аллақачон ҳақиқий кашфиётга айлана олди. Эндиликда ўзбекистонлик ярим ҳимоячи ЦСКА ҳужум чизиғи етакчиларидан бири ҳисобланади.

Унинг ижоди ва ўйини туфайли "ҳарбийлар" чемпионатда бир қатор муҳим ғалабаларни қўлга киритди. Аббосбекнинг ўзи ҳам бир неча бор учрашувнинг энг яхши футболчиси сифатида эътироф этилган. Файзуллаев ақл бовар қилмайдиган салоҳиятга эга ва бундай маҳорати билан у Европа гигантида жуда яхши ўйнай олади.

Футболчи атрофида потенциал трансфер ҳақида аллақачон кўплаб миш-мишлар тарқалган бўлса ажаб эмас. Аммо, агар Аббосбек шундай ўйнашда давом этса, келаси ёзда у Европага ўтиши мумкин.

Биз РПЛнинг 2023/24 йилги мавсумининг асосий очилишида фаолиятини давом эттириш учун бешта потенциал вариантни тақдим этамиз.

1. "Тоттенхэм"

"Тоттенхэм" Англия чемпионати пешқадамларидан бири ҳисобланади. Баъзи пасайишларга қарамай, у бу мавсумда ҳамон олтин медал учун курашишда давом этмоқда. Дастлаб, "шпорлар" захира ўриндиғи шунчаки ҳужумкор ўйинчилар билан тўлиб кетгандек туюлиши мумкин.

Бутун ҳужум Соня ва Мэддисонга қаратилган. Худди шу Ришарлисон, гарчи у саккизта самарали ҳаракатни амалга оширган бўлса-да, сиз унга узоқдан ишонмаслигингиз керак - у сизни исталган вақтда тушкунликка тушириши мумкин.

Аммо ҳужумдаги иккита барқарор ўйинчи Постекоглу учун чемпионлик учун курашиш учун етарли бўлиши даргумон. Аббосбек Файзуллаевдек ўйинчи ҳар қандай позицияни эгаллаши мумкин.

Унинг асосий роли ҳужумкор ярим ҳимоячи, аммо бу мавсумда ЦСКАда у кўпроқ қанотда ўйнади. "Тоттенхэм" доим қанот ўйинчилари билан муаммоларга дуч келган. Сонени классик вингер деб аташ мумкин эмас. У кўпроқ эркин рассом.

Файзуллаев "Тоттенхэм"га ўтса, иккала қанотдаги муаммоли позицияни қоплайди. Албатта, Жонсондан кучсизроқ эмас.

2. "Манчестер Юнайтед"

"Манчестер Юнайтед" жорий мавсум давомида кенг ўйинчилар етишмаслигидан азият чекмоқда. Сентябрь ойидан буён “қизил иблислар” жамоа ичидаги қатор жароҳатлар ва можароларга дучор бўлмоқда.

Жейдон Санчо асосий таркибдан четлатилган, Антони эса яқинда сафга қайтган. Янги келган Мейсон Маунт Премьер-лигада саккизта ўйинда битта гол ура олмай, тўлиқ муваффақиятсизликка учради.

Яқинда касалхонадан қайтган Марсьяль ўзининг энг юқори спорт формасидан жуда узоқда (у ўн учта ўйинда атиги бир марта гол урди). Тен Хаагнинг ёш Пельистри ва Гарначони майдонга туширишдан бошқа чораси йўқ.

Бундай шароитда Аббосбек дарҳол "МЮ"нинг асосий футболчисига айланиши мумкин. Мутлақо барча қанот ўйинчиларининг тўлиқ омадсизлигини Маунт, Антони, Санчо, Марсьяль ва Пельистри қанотлари гуруҳи чемпионатда биргина Файзуллаевга қараганда камроқ самарали ҳаракат қилгани ҳам тасдиқлайди.

3. "Рома"

"Рома"да ҳам бу мавсумда таркибда муайян муаммолар бор. Сўнгги ўйинларда бутун Рим ҳужуми Ромелу Лукаку атрофида қурилган. Ҳозирча бельгиялик ҳужумчи доимий равишда гол урмоқда, бироқ мавсумнинг иккинчи ярмида жиддийроқ рақиблар билан тўқнашувларда монотонлик ўз таъсирини кўрсатиши мумкин.

Қолаверса, бир неча ҳафта олдин Моуриньо "Фиорентина"га қарши битта ўйинда иккита ҳужумкор ўйинчисини йўқотганди. Биринчи бўлимда Пауло Дибала жароҳат олган бўлса, иккинчи бўлим ўрталарида Сердар Азмун майдонни тарк этди.

Ўша Пеллегрини, Бови ва Эл-Шаарави майдонда жуда хира кўринишди - уларнинг ҳар бири чемпионатда атиги иккитадан самарали ҳаракат қилишди. Аббосбек нафақат унинг статистик маълумотларидан, балки Моуриньо футболига тактик жиҳатдан мос келишидан ҳам фойда олиши мумкин.

Ҳимоядан ҳужумга тез ўтишда Файзуллаев жуда фойдали. У бир пас билан рақибнинг бутун ҳимоя чизиғини кесиб ташлашга ва жамоадошини рақиб жарима майдончаси ичида қулай вазиятга олиб чиқишга қодир.

4. "Болонья"

"Болонья" жорий мавсум давомида А Серияда атиги иккита мағлубиятга учради ва декабрь ойи охирига келиб сенсацион тарзда турнир жадвалида тўртинчи ўринни эгаллаб турибди. Тез орада Тьяго Мотта жамоаси Европа мусобақаларига йўлланма олиш учун курашаётган жамоа мақомига эга бўлди.

Бундай жасур футболчи Европада мартаба бошлаш учун ажойиб вариантга ўхшайди. Савол туғилиши мумкин: нега "Жирона" эмас, "Болонья"?

Икки жамоанинг статистик маълумотларига назар ташласангиз, ҳужумкор ўйинларда катта фарқ борлигини кўришингиз мумкин. "Жирона" ҳозирча олдинда ҳеч қандай муаммога дуч келмаяпти ва 40 та гол билан Ла Лигадаги энг сермаҳсул жамоа - улар, албатта, таркибда ўзгаришларга муҳтож эмас.

Аммо "Болонья"нинг вазиятлардан фойдаланиши ачинарли. 17 та ўйинда 21 та гол - А Сериянинг кучли 6-ўринидан жой олган жамоалар орасида энг ёмон кўрсаткич. Бундай клубда Файзуллаев нафақат асосий футболчи, балки ҳужумчилар етакчисига ҳам айланарди.

"Болонья"да у мавсумда 20 очко билан ақл бовар қилмайдиган даражага етиши мумкин, кейин эса Италиянинг ўртамиёна жамоалари орасидан ўтиб, топ-клубга айланиши мумкин эди.

5. "Лейпциг"

"Лейпциг" бу мавсумда Бундеслига турнир жадвалида тўртинчи ўринни эгаллаб турибди ва анъанага кўра Чемпионлар лигасига йўл олиш учун даъвогарлик қилмоқда. Баъзида клуб энг юқори даражадаги ҳужумкор ўйин кўрсатиб, шунчаки ажойиб ўйинлар ўтказади.

Шу билан бирга, бу фақат вақти-вақти билан содир бўлади. Бунинг иккита сабаби бор. Биринчидан, "Лейпциг"нинг ҳужумкор ўйини жамоавий ўзаро муносабатларга эмас, балки индивидуал маҳоратга асосланган.

Мисол учун, Хави Симонс ва Лои Опенданинг ўзи тўпни ярим майдон бўйлаб олиб ўта олади ва гол кирита олади. Иккинчидан, "Лейпциг"да таркиб чуқурлиги йўқ. Агар асосий ўйинчилардан бири жароҳат олган бўлса, дарҳол муаммолар пайдо бўлади.

Зўр техника ва яхши дриблинг Аббосбекга ташаббусни ўз қўлига олиш ва исталган соҳада ғалаба қозониш имконини беради. Қолаверса, Файзуллаев майдонни аъло даражада кўра олади, демак у таянч зона ва ҳужум чизиғи ўртасида бўғин бўла олади.

Исломбек таржимаси