"Наполи" ҳужумчиси Маттео Политано Яқин Шарқда - Саудия Aрабистонига кетиши мумкин.
Николо Скиранинг ижтимоий тармоқларда баҳам кўрган маълумотларига кўра, Саудиянинг "Aш-Шабаб" жамоаси италиялик футболчига кўз тикмоқда.
Бундан ташқари, Скиранинг ёзишича, футболчи томони ва клуб аллақачон музокаралар олиб бормоқда.
Бу Политанони тез орада Саудия Aрабистонида кўришимиз эҳтимоли борлигини англатади. "Aдзуррилар" ўз футболчисидан 15 миллион евро ишлаб олишни режалаштирмоқда.
Политано жорий мавсумда “Наполи” сафида барча турнирларда 24 та ўйин ўтказиб, 6 та гол ва 5 та голли узатмага муаллифлик қилган.
Шартнома италияликни неаполликлар клуби билан 2025 йилнинг ёзига қадар боғлайди.
