"Барселона" Алеиш Гарсияга қизиқиш билдирмоқда.
Жерар Ромеронинг сўзларига кўра, "Жирона" ярим ҳимоячиси "Блауграна"нинг қишки трансфер ойнасидаги асосий трансфер мақсади ҳисобланади.
"Барселона" январь ойида шартномани якунлаш йўлини қидирмоқда. Балки клуб "Жирона"га ўз футболчиларидан бири ва маълум миқдорда пул таклиф қилар. Қайд этилишича, Хавига 26 ёшли футболчи ёқади. Қолаверса, Гарсиянинг келажакда ушбу клубга ўтиш истаги ҳақидаги сўзлари "Барса"да яхши кутиб олинди.
Ушбу Ла Лига мавсумида ярим ҳимоячи 18 та ўйинда майдонга тушиб, 3 та гол урди ва 4 та голли узатмани амалга оширди.
