Лондоннинг "Вест Хэм" клуби ҳужумчиси Саид Бенраҳма қишда "болғачилар" сафини тарк этишга яқин турибди.

Бунинг сабаби шундаки, у ёзда клубнинг янги аъзоси ганалик Муҳаммад Кудусга рақобатни бой беряпти, деб ёзади Football Indiser нашри. Кудус Лондонга келганидан кейин клубга катта таъсир кўрсатди ва Бенраҳмани захира ўриндиғига жойлаб қўйди.

Жорий мавсумда жазоирлик футболчи 20 та ўйинда майдонга тушди ва битта голли узатмани амалга оширди. Бенраҳма икки йилдан буён Лондон клубида, 2021 йилнинг қишидан бери ўйнамоқда. Футболчи 28 ёшда, унинг "болғачилар" билан шартномаси 2026 йилнинг ёзига қадар мўлжалланган.