"Наполи" ҳужумчиси Виктор Осимхен жума куни туғилган куни билан боғлиқ табрикларни қабул қилди - нигериялик футболчи 25 ёшга тўлди. "Челси" мухлиси ижтимоий тармоқлардан бирида Осимхенни табриклади.
"Туғилган кунинг билан, Виктор Осимхен. Илтимос, тезроқ кел ва “Челси”ни қутқар”, — деб ёзган мухлис.
Осимхен бу хабарга учта эможи, жумладан иккита "юрак" эможиси билан жавоб берди.
Эслатиб ўтамиз, Виктор Осимхен яқинда “Наполи” билан шартномасини узайтирган эди. Нигерияликнинг амалдаги меҳнат шартномаси 2026 йилнинг ўрталаригача амал қилади.
2023/2024 йилги мавсумда Осимхен 18 та ўйинда 8 та гол урди ва 3 та голли узатмани амалга оширди.
