"Тоттенхэм" ярим ҳимоячиси Пап Матар Сарр бўлажак Aфрика Миллатлар Кубоги учун Сенегал терма жамоасига чақирилди.
Бу ҳақда Лондон клуби матбуот хизмати ижтимоий тармоқларда хабар берди. Жорий мавсумда 21 ёшли футболчи барча турнирларда 18 та учрашувда иштирок этиб, битта гол урди ва иккита голли узатмани амалга оширди.
Эслатиб ўтамиз, Сарр Сенегал терма жамоасида 18 та ўйинда битта голга эга. Aфрика Миллатлар кубоги 13 январ куни бошланади ва 11 февралга қадар давом этади. Сенегал терма жамоаси "C" гуруҳида Камерун, Гвинея ва Гамбия терма жамоалари билан ўйнайди.
