Ҳужумчи Aльваро Мората ёзги трансфер ойнасида “Ювентус”га қайтиши мумкин.
TodoFichajes хабарига кўра, "Кекса синёра" бош мураббийи Массимилиано Aллегри ва директор Криштиану Жунтоли Моратанинг қайтиши ҳужум чизиғини кучайтирмоқчи бўлган клуб учун афзал вариант эканлиги ҳақида келишиб олишган.
31 ёшли Моратанинг "Aтлетико"дан "Ювентус"га ўтиш нархи 20 миллион евро бўлиши мумкин.
2023/2024 йилги мавсумда Aлваро Мората "Aтлетико" таркибида 23 та расмий ўйинда майдонга тушди. Уларда ҳужумчи 14 та гол урди ва шерикларига 3 та голли узатма ёздириб қўйишга эришди.
