2023 йилги мавсумни ОКМК сафида ўтказган эронлик тажрибали ярим ҳимоячи Сияваш Ҳақназарий “Навбаҳор” билан шартнома имзолади.  

Ҳақназарий 1995 йил, 3 августда Эрон пойтахти Теҳрон шаҳрида туғилган. Футболчилик фаолияти давомида Эроннинг “Персеполис” (Теҳрон, 2012-2014 йиллар), “Малаван” (Энзели, 2015-2017 йиллар), АҚШнинг “ОКСК академия” (2014-2015 йиллар), “ОК Блуес” (2015 йил), Украинанинг “Скала” (2017 йил), “Волинь” (Луцк, 2018-2021 йиллар), ва Ўзбекистоннинг ОКМК (Олмалиқ, 2022-2023 йиллар) жамоаларида ўйнаган.

Шунингдек, Эроннинг U-15, U-17, U-20 терма жамоаларида ҳам тўп тепган.   

Эронлик футболчи якунланган мавсумда олмалиқликлар таркибида барча мусобақаларда 34 та ўйинда майдонга тушиб, 7 та гол урган ҳолда, 5 та голга ассистентлик қилди.  

“Навбаҳор” ПФК матбуот хизмати.