"ПСЖ" ҳужумчи Килиан Мбаппенинг жамоани тарк этишига тайёргарлик кўрмоқда. The Athletic ўз саҳифаларида хабар беришича, Лига 1 гиганти юлдуз футболчининг кетишига тайёргарлик кўриш мақсадида режа, жумладан, бюджет режасини ишлаб чиқди.
Шу билан бирга, "ПСЖ" ҳамон Мбаппени янги шартномага боғлашга умид қилаётгани таъкидланган. Бироқ, Париж клуби воқеаларнинг ҳар қандай ривожланишига тайёр бўлишни истайди.
Айтиш жоизки, 1 январь куни 25 ёшли Килиан Мбаппе хориж клублари билан эркин музокаралар олиб бориш имкониятига эга бўлди. Қолаверса, юлдуз француз ўша клублардан бири билан дастлабки шартнома имзолаши мумкин.
