"Унион" марказий ҳимоячиси Леонардо Бонуччи "Манчестер Сити"га муваффақиятсиз трансфери ҳақида малумот берди.
"2016 йилда мен «Манчестер Сити»да ўйнашим мумкин эди. Клуб «Ювентус»га 100 миллион таклиф қилди, аммо мен қолишга қарор қилдим", - дея Бонуччининг сўзларини келтиради The Sun.
Футболчининг қўшимча қилишича, Пеп Гвардиола жамоасида ўйнаш у учун катта ютуқ бўлади, лекин у ҳар доим юрагига қулоқ тутишини, шу сабабдан «Ювентус»да қолганини таъкидлади. Шу йилнинг сентябрь ойидан бошлаб 36 ёшли футболчи "Унион" таркибига келиб қўшилди.
Бу мавсумда Бонуччи барча турнирларни ҳисобга олган ҳолда ўнта учрашувда майдонга тушди ва битта гол урди.
