"Барселона" ҳимоячиси Серхи Роберто фаолиятини Лондоннинг "Арсенал" жамоасида давом эттириши мумкин. Diario Sport хабарига кўра, "Арсенал" аллақачон Каталония клубига ушбу трансфер имкониятига ойдинлик киритиш учун сўров юборган.

Манбага кўра, Роберто хизматларига "канонирлар" устози Микель Артета қизиқмоқда. Шу билан бирга, футболчининг ўзи ҳам "Барселона"ни тарк этишни истамаслиги ва "кўк-анорранглилар"дан янги шартнома таклифини кутаётгани хабар қилинган.

Жорий мавсумда Роберто барча турнирларни ҳисобга олган ҳолда саккизта учрашувда майдонга тушди ва учта гол урди. Футболчининг "Барселона" билан шартномаси 2024 йилнинг ўрталарига қадар тузилган.