«Штутгарт» ҳужумчиси Серу Гирасси «Манчестер Юнайтед»га ўтиши мумкин, дея хабар беради Todofichajes.
"Манкунианликлар" футболчини январдаги трансфер ойнасида қўлга киритмоқчи. “Қизил иблислар” гвинеялик ҳужумчининг 17,5 миллион еврога тенг бўлган товон пулини тўлашга тайёр.
27 ёшли Гирасси Бундеслиганинг жорий мавсумдаги энг яхши тўпурарларидан бири. Ҳужумчи 14 учрашувда 17 та гол (3 таси пеналтидан) урган.
Трансфермаркт портали экспертлари ҳужумчининг нархини 40 миллион еврога баҳоламоқда. Томонлар ўртасидаги амалдаги шартнома 2026 йилнинг июн ойи охирида тугайди.
