"Вест Хэм" марказий ҳимоячиси Тило Керер "Монако"га ўтишга яқин турибди.
Бу ҳақда таниқли инсайдер Фабрицио Романо хабар берди.
Манбанинг хабарига кўра, "Монако" 27 ёшли футболчини мажбурий сотиб олиш шарти билан ижарага олади.
Қайд этилишича, монаколиклар Керерни ижарага олгани учун 500 минг евро тўлайди.
Журналистнинг қайд этишича, келишув якуний босқичда. Жорий мавсумда германиялик футболчи барча турнирларни инобатга олган ҳолда 12 учрашувда майдонга тушди ва гол ура олмади.
Машҳур Трансфермаркт портали маълумотларига кўра, Керернинг нархи тўққиз миллион еврога тенг.
