“Ювентус” дарвозабони Войцех Шесни билан шартномани узайтирмоқчи.
Польякнинг амалдаги шартномаси 2025 йилнинг ўрталарига қадар тузилган. TMW хабарига кўра, "кекса синьора" раҳбарияти 33 ёшли футболчи билан шартномани узайтириш бўйича музокараларни бошлаб юборган. Шеснининг янги шартномаси 2026 йилгача мўлжалланган бўлиши мумкин, дарвозабоннинг маоши йилига 6,5 дан 4,5 миллион еврога туширилади. Қайд этилишича, футболчи таклиф қилинган шартларни қабул қилишга тайёр, чунки у "Ювентус"даги ўрнидан тўлиқ қониқиш ҳосил қилади.
Жорий мавсумда Войцех Шесни Массимилиано Аллегри жамоасида 16 та ўйинда 10 та гол ўтказиб юборган.
