“Yuventus” darvozaboni Voysex Shesni bilan shartnomani uzaytirmoqchi.
Polyakning amaldagi shartnomasi 2025 yilning o‘rtalariga qadar tuzilgan. TMW xabariga ko‘ra, "keksa sinyora" rahbariyati 33 yoshli futbolchi bilan shartnomani uzaytirish bo‘yicha muzokaralarni boshlab yuborgan. Shesnining yangi shartnomasi 2026 yilgacha mo‘ljallangan bo‘lishi mumkin, darvozabonning maoshi yiliga 6,5 dan 4,5 million yevroga tushiriladi. Qayd etilishicha, futbolchi taklif qilingan shartlarni qabul qilishga tayyor, chunki u "Yuventus"dagi o‘rnidan to‘liq qoniqish hosil qiladi.
Joriy mavsumda Voysex Shesni Massimiliano Allegri jamoasida 16 ta o‘yinda 10 ta gol o‘tkazib yuborgan.
