"Милан" бош мураббийи Стефано Пиоли журналистларнинг Италия кубогининг аҳамияти ҳақидаги саволига жавоб берди.
“Россонерилар” “Кальяри”ни мағлуб этиб (4:1) 1/8 финал босқичидан муваффақиятли ўтди. Учрашувдан сўнг ОАВ Пиолидан Италия кубоги “Милан” учун қанчалик муҳимлигини сўрашди – жамоа 2003 йилдан бери турнирда ғалаба қозона олмаяпти.
“Биз ўз муваффақиятимизга ишонишимиз ва турнирда ғалаба қозонишга ҳаракат қилишимиз керак. Бизнинг устувор вазифамиз – А Серия ва Европа Лигаси, чунки бу турнирлар орқали сиз Чемпионлар Лигасига йўлланма олишингиз мумкин ва олдинда ҳали кўп муҳим ўйинлар бор. Аммо Италия кубоги ҳам бизни ўйлантирмоқда”, - деди “Милан” бош мураббийи Mediaset нашрига берган интервьюсида.
