"Бенфика"нинг ёш ҳимоячиси Антониу Силвага Европанинг бир қатор гранд клублари қизиқиш билдирмоқда.
The Sun нашрининг хабар беришича, "Челси" 20 ёшли футболчи учун таклиф юборган. Лондон клуби "бургутлар"га 60 миллион евро таклиф қилди. Бундан ташқари, “кўклар” ҳужумчиси Армандо Броя ҳам шартноманинг бир қисмига айланиши мумкин.
Бироқ, "Бенфика" бу таклифни рад этди. Лиссабонликлар Силвани 100 миллион еврога сотишга тайёр - бу ҳимоячи билан тузилган шартномада кўрсатилган товон пули.
2023/2024 йилги мавсумда Антониу Силва 23 та ўйин ўтказди. Уларда ҳимоячи битта гол урди.
